Ministri i Bujqësisë, Faton Peci, shprehet se për tre vjet qeverisje ka arritur ta ndryshojë rrjedhën e sektorit të bujqësisë në Kosovë, ndërsa thekson se edhe përkundër sfidave që po ballafaqohet bota e rajoni, në Kosovë sipërfaqet e të mbjellave janë rekorde, përcjell Kosova Post.
Tutje ministri paraqet në shifra arritjet në sektorin e bujqësisë duke kujtuar se ka rritje të të mblellave në të gjitha varietetet bujqësore.
“Për tri vite qeverisje, kemi arritur që ta ndryshojmë rrjedhën e sektorit të bujqësisë në Kosovë si dhe ta fuqizojmë atë! 43,478 hektar më shumë drithëra apo për 63% më shumë! Në kohën kur pandemia, kriza energjetike, agresioni i Rusisë në Ukrainë dhe inflacioni, sfidonin edhe shtetet më të zhvilluara ekonomikisht, kemi arritur që të kemi rekord për sipërfaqet e të mbjellave”, theksoi ministri Peci.
Postimi i plot i ministrit Peci në Facebook:
Për tri vite qeverisje, kemi arritur që ta ndryshojmë rrjedhën e sektorit të bujqësisë në Kosovë si dhe ta fuqizojmë atë!
43,478 hektar më shumë drithëra apo për 63% më shumë!
Në kohën kur pandemia, kriza energjetike, agresioni i Rusisë në Ukrainë dhe inflacioni, sfidonin edhe shtetet më të zhvilluara ekonomikisht, kemi arritur që të kemi rekord për sipërfaqet e të mbjellave.
100 mijë hektarë me drithëra!
66 mijë hektarë të mbjella me grurë ndërsa 42 mijë hektarë me misër.
35.5ha rritje e sipërfaqeve të ngritura për prodhimtarinë e perimeve në sera.
142.22ha sipërfaqja totale e ngritur me fruta manore, arrore dhe drufrutore.
Për bukën e sofrës!
