Ministri i Brendshëm i Serbisë, Ivica Daçiq tha sot se Perëndimi po ushtron shumë presion mbi vendet që pritet të jenë në gjendje të mbështesin rezolutën për Srebrenicën.
Ai shtoi se megjithëse rezultatet e votimit nuk do të shkojnë në favor të Serbisë, vendet perëndimore nuk do të kënaqen as me to, sepse siç tha ai presin dy të tretat e shumicës.
Duke folur për seancën e OKB-së ku do të votohet propozimi për rezolutën për Srebrenicën, Daçiq tha për TV Pink se situata është mjaft e vështirë dhe se “është mision i pamundur që Serbia të arrijë sukses në kuptimin e fitimit të votës, por edhe vendet perëndimore nuk do të jenë të kënaqur sepse presin një shumicë prej dy të tretash në votim”, transmeton KlanKosova. Sesioni i Asamblesë së Përgjithshme të Kombeve të Bashkuara ku do të shqyrtohet rezoluta për Srebrenicën është caktuar për 23 maj.
