Ministria e Drejtësisë ka bërë kërkesë për fletërreshtim ndërkombëtar ndaj Milan Radojiçiq, i cili dyshohet se kryesoi sulmin terrorist ndaj Policisë së Kosovës në Banjskë, më 24 shtator ku humbi jetën heroi, Afrim Bunjaku.
Lajmin për Arbresh.info e ka konfirmuar Këshilltari i lartë në Ministrinë e Drejtësisë, Genc Nimoni.
“Sipas legjislacionit ne fuqi, Ministria e Drejtësisë vepron sipas kërkesave te Gjykatave. Ministrja Haxhiu ne një paraqitje për medie ka theksuar rolin e Prokurorisë Speciale ne raport me fletë rreshtimin ndërkombëtar. Sipas legjislacionit ne fuqi, PSRK, pas kërkesës për urdhër arrest, drejton kërkesën për fletë rreshtim ndërkombëtar dhe e njëjta kërkesë duhet te parashtrohet ne Gjykate, ne rastin konkret ne Gjykatën Themelore ne Prishtine.
“Siç jeni ne dijeni tashme ky rast po trajtohet nga institucionet e drejtësisë dhe ne jemi ne pritje te Gjykatës për fletë rreshtimin ndërkombëtar. Sapo te kemi kërkesë nga Gjykata, Ministria e Drejtësisë do te veproje menjëherë dhe pa vonesa”.
Institucionet e sigurisë në Kosovë kanë paraqitur dëshmi të cilat tregojnë së në sulmin e së dielës ka qenë i përfshirë edhe nënkryeatri i Listës Serbe, Millan Radoiqiç.
Ministri i Punëve të Brendshme, Xhelal Sveçla ka publikuar pamje në të cilat shihet se Radojiqiç ishte pjesë e grupit të ashtuquajtur terrorist.
Pjesë e dëshmive është edhe një veturë e konfiskuar në të cilën janë gjetur dokumente që i takojnë Radojiçiqit.
