Ekipit të këshilltarëve të ministrit të Mbrojtjes, Armend Mehajt, i është shtuar edhe një këshilltar amerikan.
Ai është Joe Duncan dhe në ekipin e Mehajt do të jetë këshilltar për Planifikim, Programim, Buxhetim dhe Ekzekutim.
Lajmin e ka bërë të ditur ministri Mehaj përmes një postimi në Facebook.
“Ekipit tim të këshilltarëve i bashkohet edhe eksperti amerikan i radhës, këshilltari Joe Duncan. Duke i dëshiruar mirëseardhje, sot prita në takim, këshilltarin tim amerikan për Planifikim, Programim, Buxhetim dhe Ekzekutim, z. Joe Duncan”, ka shkruar Mehaj në Facebook.
Sipas ministrit eksperienca amerikane në Ministrinë e Mbrojtjes është jetike.
Postimii plotë:
Ekipit tim të këshilltarëve i bashkohet edhe eksperti amerikan i radhës, këshilltari Joe Duncan.
Duke i dëshiruar mirëseardhje, sot prita në takim, këshilltarin tim amerikan për Planifikim, Programim, Buxhetim dhe Ekzekutim, z. Joe Duncan.
Në procesin e reformës ligjore, administrative , organizative dhe funksionale të Ministrisë së Mbrojtjes, sikur edhe në fushat tjera, eksperienca amerikane është jetike për ne.
Mirënjohje e përjetshme për SHBA-në, respektivisht Zyren Amerikane për Bashkëpunimin e Mbrojtjes, përfaqësuar nga shefi i saj, major Ryan Conley, për mbështetjen e vazhdueshme në realizimin e qëllimeve tona strategjike dhe objektivave të mi operacional.