Ministrja Reshitaj takohet me BERZH-in për trajtimin e ujërave të zeza 

Ministrja Reshitaj takohet me BERZH-in për trajtimin e ujërave të zeza 

Ministrja e Mjedisit dhe Planifikimit Hapësinor Albena Reshitaj ka pritur sot në takim përfaqësuesit e Bankës Evropiane për Rindërtim dhe Zhvillim dhe të Bankës Evropiane për Investime, me të cilët diskutuan për bashkëpunimin në ndërtimin e impianteve për trajtimin e ujërave të zeza në Kosovë.

Ne ketë takim u diskutua lidhur me financimin e projekteve te impianteve për trajtimin e ujërave të zeza, infrastrukturës përcjellëse (Rrjeti i kanalizimit dhe kolektorët) në Gjilan dhe Mitrovicë si dhe për impiantet që janë në realizim e sipër.

Me këtë rast ministrja Reshitaj pasi falenderoi përfaqësuesit e BERZH  dhe BEI  për përkrahjen dhe bashkëpunimin në fushën e ujërave theksoi që ndërtimi i impianteve për trajtimin e ujerave të zeza është me rendësi të madhe për Kosovën dhe mirëqenien e qytetareve të saj.

“Është prioritet i MMPH-së ndërtimi i impianteve për trajtimin e ujërave të zeza në tërë territorin e Kosovës pasi që lidhet drejtpërdrejtë me kualitetin e jetës dhe mbrojtjen e biodiversitetit në vend”,  vlerësoi ministrja Reshitaj.

Nga ana tjetër përfaqësuesit e bankave përgëzuan ministren për angazhimin e saj në zgjidhjen e problemeve mjedisore, me theks të veçantë në trajtimin e ujërave të zeza dhe u zotuan që  përkrahja për Kosovën në këtë sektor do të  vazhdojë edhe në të ardhmen.