Ministrja e Ekonomisë Artane Rizvanolli ka njoftuar se ka nënshkruar vendimin për fillimin e procedurave për ankandin e parë të erës, me kapacitet prej 100MW. Ajo ka theksuar se rritja e kapaciteteve gjeneruese nga energjia e ripërtëritshme është rruga e duhur drejt pavarësisë energjetike.
“Suksesi i ankandit tonë të parë solar e ka vendosur Kosovës në hartën investimeve të Burimeve të Ripërtëritshme të Energjisë në Evropë. Sot nënshkrova vendimin për fillimin e procedurave për ankandin e parë të erës, me kapacitet prej 100MW”.
“Duke vazhduar t’i përmbahemi standardeve të larta të konkurencës e transparencës, ne do të sigurojmë ne do të sigurojmë energji të pastër me çmime të përballueshme për qytetarët dhe bizneset tona”, ka deklaruar Rizvanolli.
Ajo ka falënderuar partnerët. Korporatën Financiare IFC për bashkëpunimin ngushtë në këtë projekt, si dhe Agjencinë e Shteteve të Bashkuara për Zhvillim Ndërkombëtar USAID, për mbështetjen e vazhdueshme për sektorin e energjisë në Kosovë.
“Rritja e kapaciteteve gjeneruese nga energjia e ripërtëritshme është rruga e duhur, drejt tranzicionit energjetik dhe përforcimit të pavarësisë energjetike të vendit tone”, ka thënë Ministrja e Ekonomisë.
