Kryeministri Edi Rama gjatë vizitës në Pragë në kuadër të punimeve të Forumit të sigurisë GLOBSEC 2024, mori pjesë në Panelin e diskutimit me Kryeministren e Danimarkës Mette Frederiksen dhe Presidentin e Finlandës, Alexander Stubb, moderuar nga gazetari i njohur i Ali Aslan.
Në fokus ishte situata e rendit dhe sigurisë pas situatës shqetësuese në Lindje të Europës tanimë prej 2 vitesh. Kreu i qeverisë u pyet nga moderatori Aslan për mbështetjen që Shqipëria i jep Ukrainës nën agresionin rus.
Rama tha se Rusia nuk ka ndryshuar nga ëndrrat e saj imperialiste që nga koha kur Bashkimi Sovjetik drejtohej nga Stalini dhe sot Rusia nën udhëheqjen e Vladimir Putin, karakterizohen nga e njëjta filozofi.
