Rajonet lindore në Rusi janë prekur nga përmbytjet më të mëdha të ndodhura në dekadën e fundit. Përmbytjet kanë prekur një varg rajonesh në malet Urale dhe në Siberi, së bashku me pjesë të Kazakistanit fqinj.
Janë mbi 10 mijë shtëpi të përmbytura, të cilat kanë detyruar mijëra njerëz të ikin vetëm me kafshët e tyre shtëpiake dhe disa sende.
Më shumë se 6 mijë e 100 njerëz janë evakuuar tashmë nga qyteti me 230 mijë banorë, sipas autoriteteve lokale. Pesëmbëdhjetë nga 40 shkollat ishin përmbytur. Pamjet e publikuara nga Ministria e Emergjencave ruse, shfaqin persona që lëviznin mes ujërave, duke shpëtuar qentë e bllokuar dhe duke udhëtuar përgjatë rrugëve të përmbytura me varka. Moska e ka cilësuar shumë kritike situatën dhe ka paralajmëruar për nivele të rrezikshme uji në Siberi.
Rusia ka shpallur gjendjen e emergjencave në rajonin jugor Orenburg. Kremlini ka paralajmëruar për anomali të natyrës dhe ka urdhëruar marrjen e masave për përmbytje të pritshme në rajone të tjera të Siberisë.
71-vjeçari Putin, ka qenë për pjesën më të madhe të sundimit të tij një skeptik i ndryshimeve të klimës, por vitet e fundit ka bërë një kthesë 180 gradëshe mbi temën dhe ka urdhëruar qeverinë e tij që të bëjë më shumë për ta përgatitur Rusinë për mot ekstrem. Vitet e fundit, Rusia është goditur nga një seri përmbytjesh dhe zjarresh ekstreme në pranverë dhe në verë, shkruan A2CNN.Shkencëtarët thonë se ndryshimet e klimës të shkaktuara nga aktiviteti njerëzor po rriten në gjatësi, intensitet dhe frekuencë.
