Të enjten në Kosovë pritet të mbajë mot kryesisht me diell pas rrebesheve të shiut që priten orëve të hershme të mëngjesit.
Temperaturat do të shënojnë rritje, por do të fryjnë erëra nganjëherë të fuqishme nga jugperëndimi.
Sonte gjatë orëve të natës një sistem masiv frontal do të përfshijë Shqipërinë me rrebeshe lokale intensive shiu me vetëtima dhe bubullimë. Ky sistem do të parakalojë edhe Kosovë gjatë orëve të natës ose mëngjesit të hershëm. Priten rrebeshe shiu, lokale intensive dhe me bubullima.
Rrebeshe mjaft intensive priten sonte edhe në Mal të Zi, ndërsa në Maqedoninë Veriore dhe Luginë të Preshevës rrebeshet arrijnë më vonë dhe do të jenë kalimtare.
Gjatë paradites ose mesditës së nesërme vranësirat largohen e anticikloni nga Libia depërton në territoret tona.
Nga e Premtja presim stabilizim dhe përmirësim të motit. Do të kemi konsolidimin e anticiklonit Afrikan i cili fiton terren të madh në juglindje të Evropës dhe Turqi.
Temperaturat do të shënojnë rritje të ndjeshme, të dielën deri në 25 në Kosovë e 30 në Shqipëri ashtu siç kemi lajmëruar pothuajse para një jave a më shumë
