Lodhja ndryshon shumë te njerëzit, mund ta bëjë fytyrën tonë të fryrë, dëshirat tona për ushqim të shtohen dhe varësinë ndaj kafesë edhe më të dukshme. Mungesa e gjumit nuk na kthen vetëm në zombi fizik, por në fakt mund të ndryshojë mënyrën se si ndihemi për njerëzit përreth nesh.
Kjo është sipas një studimi të ri të botuar në revistën “Nature and Science of Sleep”, i cili shqyrtoi se si përgjumja dhe lodhja ndikojnë në perceptimin tonë për të tjerët. Për ta bërë këtë, studiuesit analizuan lëvizjet e syve të pjesëmarrësve pas një nate pa gjumë dhe tetë orë gjumë për të parë se kur do të shihnin fytyra të lumtura, të frikësuara, të zemëruara apo edhe neutrale.
Ata zbuluan se kur u mungon gjumi, pjesëmarrësit shpenzonin më pak kohë duke parë fytyrat. “Duke pasur parasysh se shprehjet e fytyrës janë thelbësore për të kuptuar gjendjen emocionale të të tjerëve, shpenzimi i më pak kohë duke u fiksuar në fytyra pas humbjes akute të gjumit mund të rrisë rrezikun e interpretimit të gjendjeve emocionale të të tjerëve në mënyrë të gabuar ose shumë vonë.”, shpjegoi autori i studimit. Live van Egmond.
Studiuesit shikuan mekanizmat e sistemit nervor qendror, duke përfshirë mënyrën se si humbja e gjumit shkakton ulje të shpejtësisë dhe vëmendjes së përpunimit. Ata gjithashtu raportojnë se truri i privuar nga gjumi mund të jetë më pak në gjendje të bëjë përpjekje për të eksploruar vizualisht personin përballë tij dhe të perceptojë çdo bisedë si një sulm.
Disa rezultate më specifike të studimit ishin se në thelb, shprehjet e fytyrës u interpretuan negativisht, një efekt që studiuesit thanë se mund të shpjegojë pse humbasim interesin për t’u shoqëruar dhe ndihemi më të vetmuar kur jemi të lodhur.
