Në Mitrovicë është portretizuar në mural, aktori i njohur Blerim Peci- Beli. Për realizimin e projektit kontribut ka dhënë edhe Komuna e Mitrovicës.
Pas realizmit të projektit, ka reaguar bashkëshortja e artistit, Aferdita Sopjani-Peci. Ajo në Facebook ka shkruar se ‘Beli bashkëjeton sërish me Mitrovicën dhe frymon brenda saj. Sipas saj, Mitrovica sërish ka Belin e saj të dikurshëm dhe Beli ka qytetin e tij që e kujton përgjithmonë.
“Mitrovicës zemërmadhe po i kthehet biri i saj. Nuk zbret nga Zhazha, por vie si meteor nga qielli, nga përjetësia. Nuk ecën më rrugëve te qytetit, nuk defilon në skena teatrore e mediale, por si artist kthehet i përjetësuar në art.
Murali i Belit tashmë është pjesë e identitetit të qytetit të cilit ai ia dedikoi jetën. Beli bashkëjeton sërish me Mitrovicën dhe frymon brenda saj. Mitrovica sërish ka Belin e saj të dikurshëm dhe Beli ka qytetin e tij që e kujton PËRGJITHMONË.
Në emrin tim dhe të gjithë familjes së Belit, falënderim dhe mirënjohje të thellë për Komunën e Mitrovicës, Futja Ngjyrë, e sidomos Bardhyl Sh Dobroshi Qofshi të nderuar e lartësuar ashtu siç po na nderoni neve dhe Belin tonë!”, ka shkruar ajo.
