Presidentja e Kosovës Vjosa Osmani ngushëllon familjen, të afërmit, kolegët dhe komunitetin sportiv për ndarjen nga jeta të profesoreshës Shqipe Bajçinca- Brestovci, përcjell Kosova Post.
Ndërsa shpreh dhimbjen për ndarjen e hershme nga jeta të profesoreshëns, ajo kujton kontributin e saj në edukimin e brezave.
“Me dhimbje të thellë e pranuam lajmin për ndarjen e hershme nga jeta të profesoreshës së Fakultetit të Edukatës Fizike të Universitetit të Prishtinës, Shqipe Bajçinca – Brestovci, e cila njëherësh ka bartur disa pozita në periudha të ndryshme, në organizata sportive brenda e jashtë Kosovës”, tha Osmani, për të shtuar më pas se kontributi i saj në edukimin e brezave të rinj , por edhe në zhvillimin e sportit kosovar është i jashtëzakonshëm, ndaj do të kujtohet përherë si pjesë e kësaj historie.
Krejt në fund, presidentja shprehet se “Në këto çaste të rënda për familjen, bashkëndjej me ju dhe ju inkurajoj që të gjeni forcë në përballimin e dhimbjes”./Kosova Post/
