Presidentja e vendit, Vjosa Osmani, ka thënë se për zbatimin e plotë të Kushtetutës jo vetëm në letër, por edhe në praktikë, Kosovës i duhen aleatët në krahë.
Këtë deklaratë e para e shtetit e bëri pasi është pyetur për takimin e nesërm në Bruksel mes negociatorëve për çështjen e dinarit.
“Deri tani ka pajtim për një pjesë të propozimit nga ajo që unë jam e informuar deri tani dhe nuk ka pajtim për një pjesë tjetër të propozimit. Është shumë pozitive që komuniteti ndërkombëtar në krye me ShBA-të pajtohen që mos të ketë qarkullim të dinarit më në Kosovë dhe edhe me ndihmën e tyre kemi arritur që tash e tutje edhe ato dërgesa edhe ajo ndihmë financiare që vjen nga Serbia, të arrijë në euro dhe jo në dinar. Kjo zgjidh një pjesë të madhe të problemit me të cilin jemi ballafaquar në të kaluarën sepse çështja ka qenë si të zbatohet neni 11 i Kushtetutës që këtkon që në Kosovë të ketë vetëm një valutë. Me ndihmën e ShBA-së e kemi arritur këtë gjë. Për zbatimin e plotë të Kushtetutës jo vetëm në letër, por edhe në praktikë, na duhen aleatët në krah”, tha Osmani.
Ajo tutje u shpreh edhe rreth pikës së dytë për të cilën tha se nuk ka akoma pajtim.
“Për pikën e dytë për të cilën akoma nuk ka pajtim, unë jam shpresëplotë që edhe tek ajo pikë do të arrijmë shumë shpejt është si duhet të sigurohemi që çdo ndihmë financiare që vjen nga Serbia mos të shkojë në duart e personave që kanë abzuzuar e që janë konrruptuar, që i kanë marr paratë kinse në emër të qytetarëve por i kanë shfrytëzuar për korrupsion dhe krim. Për atë pjesë ende po hartohet një plan që do të involovojë Institucionet e Kosovës përfshirë edhe ato ligjzbatuese dhe përkundër sfidave, unë jam e bindur që për këtë çështje jo vetëm që do të arrihet, por është e domodoshme të arrihet”, tha Osmani.
E para shtetit më tutje tha se më e mira do të ishte që çështja e dinarit të zgjidhet në Bruksel, njofton Klankosova.tv.“Më e mira do të ishte të arrihet në Bruksel, do të ishte e mirëseardhur. Në qoftë se jo në Bruksel, është urgjente që kjo çështje të zgjidhet, sepse jo vetëm që ndihmon qytetarët t’i kalojnë disa sfida nëpër të cilat po kalojnë, por në të njëjtën kohë Kosova po ballafaqohet me probleme të mëdha, sigurimi i kufirit nga Serbia e cila po mendon vazhdimisht si ta sulmojë Kosovës, duhet të ulemi me aleatët tanë dhe të sigurohemi që mbrohet çdo pëllëmb e territorit tonë. Për të arritur këtë, duhet të punojmë bashkë me aleatët dhe këtë e di çdo qytetar i Kosovës”, shtoi Osmani,
