Presidenti i Republikës së Shqipërisë, Bajram Begaj zhvilloi një bisedë telefonike me Presidenten e Republikës së Kosovës, Vjosa Osmani ku dënoi ashpër aktet terroriste me lëndë eksplozive mbi Kanalin e Ibër-Lepenic që synojnë shkatërrimin e infrastrukturës kritike të Kosovës e cenon sigurinë kombëtare të Kosovës.
Në një njoftim të shpërndarë nga Presidenca thuhet se presidenti mbështet fuqishëm të gjitha përpjekjet e Republikës së Kosovës për përballimin e situatës dhe hetimin e ndëshkimin e plotë të këtij akti sabotues e terrorist.
Një shpërthim i fuqishëm ndodhur mbrëmjen e së premtes në Varagë të Zubin Potok i cili ka dëmtuar kanalin e ujit Ibër-Lepenc.Kanali në të cilin ndodhi shpërthimi, furnizon Korporatën Energjetike të Kosovës (KEK) me ujë dhe kjo solli probleme të furnizimit me energji elektrike dhe me ujë në veri të Kosovës. Akti është cilësua terrorist nga qeveria e Kosovës që ka fajësuar për sulmin Serbinë.
