Lidhja Demokratike e Kosovës ka thënë se në ditën e Kushtetutës, në vend të urimit, kujtojmë shkeljet e Kushtetutës nga Qeveria aktuale, përcjell Kosova Post.
Shkelja e parë e Kushtetutës, sipas LDK-së është bërë me Ligji për Këshillin Prokurorial të Kosovës, nga ministrja Albulena Haxhiu.
Shkelje kushtetuese e cilëson LDK edhe ndërhyrjen në kompetencat e Komunës së Kamenicës për reformën në arsim nga ministrja Arbërie Nagavci.
E sipas LDK-së shkelje kushtetuese dy herë ka bërë edhe ministri Xhelal Sveçla, në rastin e Ligjit për Paga dhe Ligjin për zyrtarë publik.
Shkelje të Kushtetutës sipas LDK-së ka bërë edhe ministrja Rozeta Hajdari me Ligjin për Masat e Përkohshme të Produkteve Themelore në Raste të Veçanta të Destabilizimit të Tregut.
Dhe sipas LDK-së shkeljen e Kushtetutës nuk e ka bërë vetëm ekzekutivi, por edhe Kuvendi i Kosovës me shkarkimin e 8 anëtarëve të Bordit të RTK-së dhe shkarkimi i 5 anëtarëve të Këshillit të Pavarur Mbikëqyrës për Shërbimin Civil të Kosovës, sipas LDK-së janë dy shkeljet kushtetuese të bëra nga Kuvendi i Kosovës.
