Shpesh dëgjoj prindër, si nëna dhe baballarë, që i nxitin fëmijët të përgjigjen me dhunë ndaj moshatarëvetë tyre.
Dhe këtë nxitje e justifikojnë që fëmijët të bëhen të zotët e vetes.
Po sa e besueshme është kjo mënyrë të menduari për fëmijën? Fëmija është një njeri në rritje dhe nuk i sheh e përjeton situatat siç prindi pretendon.
Një prind që nxit fëmijën të mbrohet vetë, po i mëson fëmijën se ai është vetëm dhe i braktisur.
Një fëmijë që duhet të mbrohet vetë, do të thotë që është i braktisur nga familja dhe institucioni ku prindërit e dërgojnë çdo ditë.
Si është e mundur që ju prindër e lini vetëm përballë frikës dhe e dërgoni në një institucion ku askush nuk e mbron?
Kujdes prindër kur flisni apo nxisni fëmijën të mbrohet vetë. Ju prindër e keni dërguar në kopësht apo shkollë, pra në istitucion dhe gjëja e parë që duhet ti mësoni fëmijës, është të kërkojë ndihmë tek mësuesit apo edukatorët dhe jo të mbrohet vetë.
Detyra numër një e çdo të rrituri është ti gjëndet pranë një fëmije, ta ndihmojë dhe mbrojë atë. I rrituri, prind, educator apo mësues duhet të jetë ndërmjetës për të zhvilluar miqësinë te fëmijët dhe jo nxitës i dyshimit dhe inatit ndërmjet tyre. Kujdes të rritur dhunën që keni në shpirtin tuaj mos ua ngjisni edhe fëmijëve. Përpiquni tu mësoni vlerën e fjalës dhe të miqësisë.
Lira Gjika\Psikologe
