Nënkryetarja e Partisë Demokratike të Kosovës, Vlora Çitaku, ka kërkuar mbajtjen e zgjedhjeve parlamentare për shkak të siç thotë ajo konfrontimeve me aleatët ndërkombëtarë.
Tuje është shprehur Çitaku se “në kohën kur qytetarët tanë kanë nevojë për stabilitet e parashikueshmëri, Kosova ka në krye një qeveri të papërgjegjshme, pa ide e pa vizion.
“Konfrontimet e hapura tashmë me aleatët tanë na kanë sjellë në një terren tërësisht të pashkelur nga ne tash e 25 vite. Pa projekte konkrete e pa vizion, si në planin e brendshëm, si në politikën e jashtme. Mbajtja sa më parë e zgjedhjeve parlamentare tashmë është jo vetëm kërkesë, por domosdoshmëri”, ka shkruar Çitaku.
Postimi i plotë i nënkryetares Çitaku në Facebook:
Në një kohë kur bota po përballet me turbulenca të mëdha, Kosova po udhëhiqet nga një kastë avanturierësh.
Në kohën kur qytetarët tanë kanë nevojë për stabilitet e parashikueshmëri, Kosova ka në krye një qeveri të papërgjegjëshme, pa ide e pa vizion.
Konfrontimet e hapura tashmë me aleatët tanë na kanë sjellur në një teren tërësisht të pashkelur nga ne tash e 25 vite.
Pa projekte konkrete e pa vizion, si në planin e brendëshëm, si në politikën e jashtme.
Mbajtja sa më parë e zgjedhjeve parlamentare tashmë është jo vetëm kërkesë, por domosdoshmëri.
Kosova është më e madhe dhe më e rëndësishme se egoja e Kurtit.
