Minisrti i Mbrojtjes Ejup Maqedonci bën të ditur se sot në Bruksel me Ministrin e Mbrojtjes të Lituanisë, Laurynas Kasçiūnas, nënshkruam marrëveshjen e përbashkët sipas të cilës Kosova edhe zyrtarisht është pjesë e Koalicionit të Deminimit për Ukrainën.
Ministri theksoi se me këtë Kosova bëri një hap të rëndësishëm në përfaqësimin dhe rolin e saj në sigurinë globale.
“Kosova u bë shteti i 17-të anëtar i këtij koalicioni që ka për qëllim ofrimin e mbështetjes për Ukrainën përmes ofrimit të trajnimit në fushën e deminimit, zotim ky që Kosova e ka dhënë si pjesë e Grupit të Kontaktit për Ukrainën, e që është një hap tjetër i ndërmarr nga ana e Kosovës për popullin ukrainas pasi veçse tanimë kemi dorëzuar dy pako mbështetëse ushtarake”, tha Maqedonci. Tutje tha ai se pas kësaj marrëveshje ushtarët tanë rreshtohen përkrah partnerëve tanë.
“Ushtarët tanë do të rreshtohen përkrah partnerëve tanë në këtë front global demokratik kundër agresionit dhe dhunës! Kosova do të vazhdoj të qëndroj krah Ukrainës ngase jemi me të drejtën, lirinë e popujve dhe të drejtat demokratike të shteteve”, shprehet ministri Maqedonci.
