Neymar ka folur hapur për kritikat që ka marrë për sjelljen e tij jashtë fushës. Ylli 33-vjeçar brazilian, i huazuar te Santos nga Al Hilal, foli drejtpërdrejt në Disney+ për të shprehur mendimin e tij për këtë çështje:
“Nuk shoh ndonjë problem të them se Neymar luajti keq, se po luan keq, se ka pasur performanca të dobëta. Pikë, kjo është pjesë e lojës. Por duke folur për mua, kritikat e fundit nuk janë të këtij lloji.”
Duke iu përgjigjur në të njëjtën mënyrë asaj që u tha për të dhe duke theksuar: “Doni të ankoheni për mua në fushë? Si? Nuk mundeni, sepse në fushë unë performoj! Ata flasin për atë që bëj jashtë fushës. Por jashtë fushës është jeta ime, është ajo që bëj”.
Kjo ishte përgjigja ndaj kritikave për atë që bën Neymar jashtë fushës, me rastin e pranisë së tij të drejtpërdrejtë në ndeshjen midis Minnesota Timberwolves dhe Oklahoma City Thunder, për finalet e Konferencës Perëndimore të NBA-së.
Dhe shtoi: “Kjo është arsyeja pse them që Brazili është prapa në këtë drejtim. Argëtimi, rrjetëzimi, të qenit biznesmen që është edhe futbollist në të njëjtën kohë… është pjesë e lojës. E gjitha të ndihmon të rritesh. Të jesh dikush që investon, për shembull, në Kings League. Të kritikojnë për këtë.
Edhe nëse nuk ka të bëjë fare me punën tënde, me sportin tënd. Por pse duhet t’ua shpjegoj gjërat atyre që nuk do ta kuptojnë kurrë atë që them? Ata nuk do ta kuptojnë, nuk e jetojnë jetën time të përditshme, nuk e dinë çfarë bëj, sa shumë i përkushtohem vetes, sa sakrifica bëj për të luajtur. Është e vështirë!”.
Pasi u rikuperua nga një dëmtim i dytë muskulor këtë sezon, Neymar u rikthye në aksion pas 36 ditësh në ndeshjen që e pa Santosin të eliminohej nga Kupa e Brazilit, dhe gjithashtu luajti në fitoren 1-0 ndaj Vitórias në kampionatin brazilian.
Megjithatë, në marrëveshje me trajnerin e ri brazilian, Carlo Ancelotti, ai nuk do të marrë pjesë në angazhimet e ekipit kombëtar në qershor, shkuan OraNews. Ndërkohë, O’Ney dhe shoqëruesit e tij po negociojnë me menaxhmentin e Santos për të negociuar një rinovim dhe qëndrim.
