Nis takimi Thaçi-Vuçiq, merr pjesë edhe Mogherini

Nis takimi Thaçi-Vuçiq, merr pjesë edhe Mogherini

Presidenti i Kosovës, Hashim Thaçi dhe Aleksandar Vuçiq kanë nisur takimin e tyre në Bruksel, ku po merr pjesëe dhe shefja e diplomacisë evropiane, Federica Mogherini.

Pas takimeve të ndara 45 minutash bilaterale të bisedimeve, ka nisur edhe takimi trelateral Prishtinë-Beograd-BE në kuadër të dialogut për normalizimin e  marrëdhënieve.

Presidenti i Kosovës Hashim Thaçi tha se takimi i sotëm në Bruksel shënon fillimin e fazës së fundit të dialogut për normalizimin e marrëdhënieve midis Beogradit dhe Prishtinës.

“Dua ta falënderoj BE-në si një lider në këtë proces, por edhe mbështetjen e SHBA-së”, u tha Thaçi gazetarëve para fillimit të takimit me presidentin serb Aleksandar Vuçiq dhe shefen e politikës së jashtme të BE-së, Federica Mogherini.