Ministri i Punëve të Brendshme, Xhelal Sveçla, bën të ditur për fillimin e hyrjen së mallrave serbe në pikëkalimin kufitar në Merdar, e të cilat thotë ai do të kontrollohen.
Sveçla, thekson se kufiri në Merdarë do të jetë i hapur për të gjitha mallrat, të cilat do t’i nënshtrohen kontrolleve manuale të sigurisë derisa të funksionalizohen skanerët me rreze X.
Ai ka shtuar se pikat tjera me Serbinë do të hapen pasi skanerët të funksionalizohen nëpër pikat tjera kufitare.
“Andaj, me efekt të menjëhershëm, pika kufitare në Merdarë do të jetë e hapur për të gjitha mallrat, të cilat do t’i nënshtrohen kontrolleve manuale të sigurisë deri në funksionalizimin e skanerëve me rreze X. Pikat tjera kufitare me Serbinë do të hapen për të gjitha mallrat në momentin kur skanerët me rreze X bëhen funksional në ato pika kufitare.”
Tutje është shprehur ministri se ‘transportuesit e mallrave duhet të kenë parasysh këtë ndryshim dhe të bëjnë planifikimin e duhur të kohës’.
“Transportuesit e mallrave gjatë kësaj periudhe duhet të kenë parasysh këtë ndryshim dhe të bëjnë planifikimin e duhur të kohës së nevojshme për procedurat e reja të kalimit të pikës kufitare.”, shkruan ministri.
