Një person ka humbur jetën dhe një tjetër është lënduar, mesditën e së shtunës, si pasojë e një aksident trafiku që ka ndodhur në rrugën Lipjan-Shtime
Lajmin e ka konfirmuar, zëdhënësi i Policisë së Kosovës për rajonin e Prishtinës , Agron Borovci.
Ai ka njoftuar se aksidenti ka ndodhur në afërsi të fshatit Grackë e Vogël, teksa në të u përfshin dy vetura dhe një kamion.
Personi i lënduar është dërguar në QKUK për tretman mjekësor.
“Rreth orës 12:45, është raportuar për një aksident trafiku të ndodhur në rrugën Lipjan-Shtime, respektivisht në afërsi të fshatit Grackë e vogël.Nga informatat e para bëhet e ditur se në aksident janë përfshirë një kamion dhe dy vetura. Si pasojë e aksidentit, një person ka humbur jetën ndërkaq për shkak të lëndimeve të marra nga aksidenti një person është dërguar në QKUK për trajtimin e nevojshëm mjekësor”, tha ai.rtk.
