Një pjesë e qytetit të Gjilanit ka mbetur pa energji elektrike.
Lajmin për Klankosova.tv e ka konfirmuar zëdhënësi i KEDS-it, Lulëzim Krasniqi, i cili tha se kjo ka ndodhur për shkak të djegies së ndërperësit në trafofushë të stabilimentit shpërndarës.
“Ekipet e KEDS-it kanë dalë menjëherë në vend për ta verifikuar gjendjen. Ato ndodhen akoma aty duke punuar dhe besojmë se së shpejti furnizimi me energji elektrike për konsumatorët e afektuar do të rikthehet në normalitet”, tha Krasniqi.
Përveç energjisë elektrike, një pjesë e Gjilanit ka mbetur edhe pa ujë. KRU “Hidromorava”, KRU “Hidromorava”, njoftoi se për shkak të ndërprerjes së energjisë, Farbikat për Përpunimin të ujit në Përlepnicë dhe Veleknicë si dhe “SP Baja”, kanë ndërprerë procesin e përpunimit dhe furnizimin me ujë për konsumtaorët.
