Moska do të përdorë të gjitha mjetet në dispozicion për të mbrojtur interesat e saj kombëtare. Është ky paralajmërimi që ka bërë Ministri i Jashtëm rus, Sergei Lavror në intervistën dhënë për gazetarin amerikan Tucker Carlson. Lavorv shtoi se Washingtoni duhet ta ketë kuptuar këtë mesazh pas lëshimit të raketës hipersonike Oreshenik.
“Ne nuk duam ta përkeqësojmë situatën, por duke qenë se ATACMS dhe armë të tjera me rreze të gjatë po përdoren kundër Rusisë kontinentale si të thuash, ne po dërgojmë sinjale. Shpresojmë që ky i fundit, disa javë më parë, sinjali me sistemin e ri të armëve të quajtur Oreshnik, të merret seriozisht”, u shpreh Sergei Lavrov, Ministri i Jashtëm rus.
Rusia lëshoi raketën balistike hipersonike me rreze të mesme veprimi në një objekt ushtarak-industrial të Ukrainës në Dnepropetrovsk. Videot që qarkullojnë në mediat sociale shfaqën masat e mëdha të dritës nga qielli që preknin thellë nëntokë, të ndjekur nga shpërthime dytësore. Gjysmë ore para nisjes së Oreshnikut, Rusia i dërgoi një mesazh SHBA-së duke përdorur linjën e dekonfliktit bërthamor, në mënyrë që “të mos e ngatërrojnë atë me ndonjë gjë më të madhe dhe reale të rrezikshme”, sipas Lavrov.
“Mesazhi është se ju, dua të them SHBA-të dhe aleatët e SHBA-së, të cilët gjithashtu i ofrojnë këto armë me rreze të gjatë regjimit të Kievit, duhet të kuptojnë se ne do të jemi të gatshëm të përdorim çdo mjet për të mos lejuar që ata të kenë sukses në atë që ata e quajnë disfatë strategjike të Rusisë . Moska është “e gatshme të bëjë gjithçka për të mbrojtur interesat tona legjitime”, paralajmëroi Lavrov, shkruan A2CNN. Duke iu referuar komenteve të fundit të një admirali amerikan për pranueshmërinë teorike të përdorimit të armëve atomike, Lavrov tha se kjo lloj retorike ishte “vërtet shqetësuese” dhe duket se supozon se Rusia nuk ka “vija të kuqe” ose nuk është e gatshme t’i zbatojë ato. Ministri i Jashtëm rus tha se është i gatshëm të negociojë me Ukrainën por kundërshtoi plotësisht planin ukrainas të armëpushimit.
