Orges Demaj, një talent i ri 17-vjeçar nga Kosova, është ndër emrat që po spikat në futbollin e moshave. i formuar si lojtar në shkollën e futbollit Besëlidhja, ai ka ndërtuar bazat e aftësive teknike dhe taktike që sot po i shfaq në mënyrë brilante me ekipin U-19 të Fushë Kosovës, i cili garon në Superligën e Kosovës për moshat e reja, përcjell Kosova Post.
I dalluar për shkathtësinë e tij teknike, vizionin në lojë dhe përkushtimin në fushë, Orgesi është bërë një nga lojtarët më të rëndësishëm të ekipit të tij.
Ai shpesh kontribuon jo vetëm në aspektin sulmues, por edhe në organizimin dhe balancimin e lojës, duke treguar pjekuri që tejkalon moshën e tij.
Falë performancave të vazhdueshme dhe të qëndrueshme, ai është kthyer në një lider për bashkëlojtarët e tij.
Orgesi ëndërron të bëhet pjesë e Kombëtares, duke synuar të përfaqësojë vendin e tij në nivelet më të larta të futbollit ndërkombëtar.
Ky qëllim reflekton ambiciet dhe punën e tij të palodhur në stërvitje dhe gara. Ky talent i spikatur nuk është vetëm një pasuri për ekipin e tij aktual, por premton një të ardhme premtuese për futbollin kosovar në përgjithësi. /Kosova Post/
