I dërguari i posaçëm i Mbretërisë së Bashkuar për Ballkanin Perëndimor, Stuart Peach, sot do të jetë për vizitë zyrtare në Kosovë.
Pos kryeministrit Albin Kurti, ai do të takohet edhe me presidenten Vjosa Osmani.
Në njoftimin e presidencës thuhet se takimi do të fillojë nga ora 15:00, mediat do të lejohen të marrin pamje vetëm në fillim të takimit.
Peach, për herë të fundit në Kosovë, ishte më 25 tetor të vitit 2022. Gjatë kësaj vizite ai u takua me Kurtin, presidenten Vjosa Osmani dhe me zëvendëskryeministrin e parë, Besnik Bislimin.
Ndër tjera, ai deklaroi se Britania e Madhe do ta mbështesë Kosovën në rrugën e saj drejtë NATO-s dhe anëtarësimin në Këshillin e Evropës.
