Sot në Kosovë pritet të kemi mot mjaft të ndryshueshëm, edhe pse gjatë dites pritet të jetë nxehtë dhe me diell, por pasdite fillimisht në Dukagjin dhe përreth priten zhvillime të fuqishme konvektive që do të kushtëzojnë rrebeshe lokale shiu me vetëtima dhe bubullimë.
Priten rrebeshe mjaft intensive që mund të shkaktojnë vërshime të shpejta sidomos vërshime urbane. Gjatë mbrëmjes vonë ose natës pritet sistemi frontal që nga Dukagjini pastaj kalon edhe në pjesët tjera të Kosovës me rrebeshe intensive shiu me vetëtima dhe bubullimë.
Në Dukagjin, pjesë të Drenicës dhe rajonet përreth dhe veri të vendit sipas disa modeleve reshjet mund të jenë mjaft intensive dhe mund të zgjasin më shumë që nga pasditja herë pas here edhe para ardhjes së frontit të vonshëm parashihen zhvillime të fuqishme para-frontale. Ekziston potencial për vërshime të shpejta.
Në Shqipëri pritet të mbajë mot i nxehtë, ndërsa pasdite apo në mbrëmje parashihet kalimin i sistemit të fuqishëm frontal me rrebeshe lokalisht intensive shiu me vetëtima dhe bubullimë sidomos në pjesët qendrore, lindore dhe veriore të vendit.
Maqedonia Veriore gjatë ditës me diell dhe vranësira lokale dhe nxehtë. Rrebeshe lokalisht intensive arrijnë në mbrëmje vonë ose gjatë natës nga perëndimi dhe veriperëndimi i vendit.
Rrebeshe shiu të Enjten priten edhe në Mal të Zi, kurse në Luginën e Preshevës gjatë tërë ditës nxehtë dhe kryesisht me diell. Rrebeshe shiu fillojnë gjatë natës vonë ose orëve të hershme të së Premtes.
Pas kalimit të sistemit frontal dhe rrebeshe lokalisht intensive temperaturat do të shënojnë ulje kryesisht të lehta, prandaj e Premtja vjen me vranësira e intervale kohore me diell me mundësi për ndonjë reshje të izoluar.
Fundjava me diell dhe vranësira lokale, por kryesisht stabile.
