Nënoficeri i Forcës së Sigurisë së Kosovës, rreshteri i klasit të parë Arsim Vishesella ka vdekur sot, njoftojnë nga FSK-ja.
“Njoftojmë të gjithë pjesëtarët e Forcës së Sigurisë së Kosovës dhe të Ministrisë së Mbrojtjes, se pas një sëmundje të rëndë ka ndërruar jetë Nënoficeri i Forcës së Sigurisë së Kosovës, Rreshter i Klasit të Parë Arsim Vishesella”.
Në emër të Komandantit , gjithë pjestarët e FSK-së shprehin ngushëllime familjes, shokëve, bashkëluftëtarëve dhe pjesëtarëve të ushtrisë.
“Në emër të Komandantit të Forcës së Sigurisë së Kosovës, Gjenerallejtënant Bashkim Jashari i shprehim ngushëllimet më të sinqerta familjes, shokëve, bashkëluftëtarëve dhe të gjithë pjesëtarëve të FSK-së”, thuhet në njoftim.
Nesër (e premte) nga ora 10:00 do të mbahen homazhe nga njësi të FSK-së në Kazermën “Skënderbeu ” në Ferizaj.
Ceremonia e varrimit do të bëhet nga ora 14:00 në varrezat e veteranëve në Komunën e Shtimes.
