Ndaj presioneve që po i bëhen Komisionit Qëndror të Zgjedhjeve në lidhje me certifikimin e kandidatëve për deputetë, ka reaguar edhe Ambasada e Francës.
Përmes tri reagimeve në Twitter, Ambasada ka thënë se pret që Kosova të sigurojë organizimin sa më kredibil të zgjedhjeve dhe në përputhje me standardet ndërkombëtare.
“Ne presim që institucionet e Kosovës të sigurojnë organizimin e zgjedhjeve të besueshme, gjithëpërfshirëse dhe transparente, të zhvilluara në përputhje me standardet ndërkombëtare”, thuhet në njërin prej reagimeve.
Tutje ambasada rithekson se procedurat para zgjedhjeve, përfshirë certifikimin e kandidatëve përcaktohen me ligj dhe të njëjtat përfshijnë edhe mundësi ankese.
“Procedurat parazgjedhore, përfshirë certifikimin e kandidatëve, janë ende në vazhdim. Këto procedura përcaktohen me ligj dhe përfshijnë mundësi ankese”, thuhet tutje në reagim.
Në këtë kontekst, ambasada e Francës kërkon që të mos ketë ndërhyrje në punën e institucioneve të pavarura.
“Është e rëndësishme që institucionet e pavarura dhe organet përkatëse gjyqësore të jenë në gjendje të kryejnë punën e tyre pa ndërhyrje”, thuhet në reagimin e ambasadës së Francës.
We expect Kosovo institutions to ensure the organisation of credible, inclusive and transparent elections conducted in accordance with international standards. (1/3)
— France au Kosovo 🇲🇫 (@FranceauKosovo) January 22, 2021