Ndeshjet e futbollit në Francë (Ligue 1), Angli (Premier Ligë) dhe Itali (Serie A), të cilat janë ndër 5 ligat më të mëdha të futbollit në Evropë, vazhduan gjatë fundjavës.
Në Angli, Liverpooli pavarësisht se humbi pikë vazhdon të kryesojë në tabelë. Ndërkaq në Itali, Napoli u rendit e para me një ndeshje më tepër, në javën kur Atalanta nuk luajti në ligë për shkak të Superkupës së Italisë. Ndërsa në Francë, fituesi i Super Kupës, Paris Saint-Germain (PSG), vazhdon të kryesojë në tabelë edhe pse nuk luajti ndeshje këtë javë.
Real Madridi e kryeson tabelën në Spanjë, ku të premten u luajt ndeshja e vetme e shtyrë për shkak të Kupës së Mbretit. Në Gjermani ku liga është në pushim dimëror, Bayern Munich është në krye të tabelës.
Liverpool pas 3 javësh humbi pikë
Në Premier Ligë, Liverpooli në fushën e tij luajti baras me Manchester Unitedin, 2-2.
Për skuadrën mysafire shënuan Lisandro Martinez dhe Amad Diallo ndërsa për Liverpoolin shënuan Cody Gakpo dhe Muhammed Salah.
Nga ana tjetër, Chelsea dhe Arsenali humbën mundësinë e tyre në javën kur lideri humbi pikë. Chelsea barazoi me rezultatin 1-1 kundër Crystal Palace në terren të jashtëm ndërsa Arsenali me të njëjtin rezultat kundër Brightonit si mysafir.
Kampioni i fundit, Manchester City, i cili befasoi adhuruesit e futbollit me rezultate negative këtë sezon, në terren vendas e fitoi West Ham Unitedin me rezultatin 4-1, duke arritur fitoren e dytë radhazi.
Java e 20-të do të mbyllet me ndeshjen e mbrëmshme midis Wolverhamptonit dhe Nottingham Forestit ndërkaq Liverpooli me një ndeshje më pak vazhdon të kryesojë tabelën me 46 pikë. Pas Liverpoolit renditet Arsenali me 40 pikë, Nottingham Foresti me një ndeshje më pak ka 37 pikë dhe Chelsea me 36 pikë.
Real Madridi, lider me një ndeshje më shumë në Spanjë
Në La Liga, ku të premten u luajt vetëm ndeshja e shtyrë për shkak të ndeshjeve të Kupës së Mbretit, Real Madridi mposhti Valencian me rezultatin 2-1.
Jude Bellingham, i cili huqi një penalti për skuadrën madrilene, i solli fitoren skuadrës së tij me një gol dhe një asist. Vinicius Junior mori karton të kuq në ndeshje duke e lënë ekipin me 10 lojtarë.
Në fund të javës së 19-të, Real Madridi me 43 pikë kryeson tabelën me një ndeshje më shumë. Pas Real Madridit, renditen Atletico Madridi me 41 pikë, Barcelona me 38 pikë dhe Athletic Bilbao me 36 pikë.
Napoli kryeson tabelën me një ndeshje më pak
Në Serie A, Napoli kaloi në epërsi me një ndeshje më shumë, në javën kur Atalanta nuk luajti në ligë për shkak të organizimit të Superkupës së Italisë.
Napoli si mysafir e fitoi Fiorentinën me rezultatin 3-0 me golat e David Neres, Romelu Lukaku dhe Scott McTominay, duke e arritur fitoren e katërt radhazi.
Në derbin e kryeqytetit, Roma e fitoi në fushën e saj Lazion me rezultatin 2-0.
Interi, Milani, Juventusi dhe Atalanta nuk luajtën në ligë pasi garojnë në Superkupë.
Në javën e 19-të të ligës, Napoli me 44 pikë dhe një ndeshje më shumë kryeson tabelën. Pas Napolit vjen Atalanta me 41 pikë dhe një ndeshje më pak si dhe Interi me dy ndeshje më pak më 40 pikë.
PSG, fituesi i Superkupës nuk luajti ndeshje në ligë
PSG, e cila nuk luajti në ndeshjen e ligës për shkak të ndeshjes së Superkupës së Francës, ruajti vendin e parë në ligë.
Ekipi parisien, e fitoi Monacon me rezultatin 1-0, me golin e Ousmane Dembele në minutat shtesë, duke e fituar trofeun e Superkupës.
Në javën e 16-të të Ligës, Olympique Marseille në terrenin vendas mposhti Le Havre-n me rezultatin 5-1.
Lille luajti baras me Nantes 1-1, duke pësuar humbje të pikëve për të tretën herë në 4 javët e fundit.
Olympique Lyon nga ana tjetër e fitoi Montpellier me 1-0.raporton Anadolu.Në Ligue 1, ku PSG e pamposhtur është kryesuese me 40 pikë pas 16 javësh, Marseille grumbulloi 33 pikë, Monaco 30 ndërsa Lille dhe Lyon nga 28 pikë.
