Partia Demokratike e Kosovës ka njoftuar se të shtunën në ora 16: 30 do të hapin zyrtarisht fushatën zgjedhore për zgjedhjet e 9 shkurtit.
Sekretarja e përgjithshme e PDK-së Vlora Çitaku tha se kanë planifikuar mbi 1700 tubime parazgjedhore, pa llogaritur këtu takimet individuale të kandidatëve për deputet.
“Jemi në një moment kritik për Kosovën, por jam krenare që PDK është e mobilizuar, e përgatitur dhe plot energji për të udhëhequr vendin drejt një të ardhme më të mirë”, tha ajo në një konferencë para gazetarëve ku bëri publik emrin e zëdhënësit të PDK-së për fushatë.
Blerand Stavileci do të mbajë komunikimin me media gjatë kësaj periudhe i ndihmuar nga Besianë Musmurati.
Stavileci tha se këto zgjedhje janë më shumë se një garë politike, përmes së cilave tha se do të formësohet e ardhmja e Kosovës.
“Së bashku mund ta bëjmë Kosovën më të fortë, më të drejtë e më të mirë”, tha Stavileci.
Fushata zgjedhore për zgjedhjet e 9 shkurtit zyrtarisht nisë më 11 janar.rtk.
