Drejtori i Zyrës së Qeverisë për Kosovë, Petar Petkoviq, ka reaguar ndaj ambasadorit gjerman në Kosovë, Jorn Rohde , duke e quajtur atë lobist i Kosovës, përcjell Kosova Post.
Ky reagim vjen pasi Rohde, duke komentuar deklaratat e Beogradit për njohjen e Kosovës nga Kenia, ka thënë se reagimi i Serbisë paraqet shkelje të rëndë të Marrëveshjes së Brukselit.
E për këtë Petkoviq, tha se përfaqësuesi gjerman në Prishtinë, Jorn Rohde, ka kohë që sillet si lobist shqiptar apo ministër në qeverinë e Abin Kurtit dhe jo si përfaqësues i një vendi të BE-së që duhet të ketë qasje të balancuar në dialogun Beograd-Prishtinë.
“Nëse Rohde nuk do të kishte lobuar, për Kenian, ai u ndje i ofenduar dhe i prekur personalisht nga reagimi i Beogradit? Si ka mundësi që Rode nuk ka thënë kurrë se Kurti dhe Prishtina po shkelin Marrëveshjen e Brukselit duke refuzuar të formojnë Asociacionin e Komunave Serbe për 12 vjet, dhe po sulmon pa bazë për shkak të krikritikës së Beogradit ndaj Kenias e cila njohu Kosovën, e cila është në kundërshtim me të drejtën ndërkombëtare dhe Rezolutën 1244”, pyeti Petkoviq në një deklaratë të transmetuar nga Beta.
Tutja ka shtuar Petkoviq se “ është e qartë se heshtja e Rohdes për “lëvizjet përshkallëzuese” të Kurtit dhe shkeljen e marrëveshjes së Brukselit zbulon se kush më pas e mbështet Kurtin në shkeljen e dialogut dhe neglizhimin e obligimeve të Prishtinës dhe marrëveshjes për të cilën BE-ja është garantuese e zbatimit”./Kosova Post/
