Artisti rus, i cili bëri thirrje për ndërprerje të energjisë elektrike në Kiev, është mysafir i BEMUS (Festivali i Muzikës në Beograd), transmeton Kosova Post.
Boris Berezovski, i shpallur si pianisti i preferuar rus, është një nga pjesëmarrësit e festivalit më të vjetër të muzikës në Serbi.
BEMUS (Festivali i Muzikës në Beograd) është një festival i muzikës artistike i themeluar nga Kuvendi i Qytetit të Beogradit.
Pas shpalljes së luftës në Ukrainë, Berezovsky nuk është një nga artistët e mirëpritur në Perëndim, agjenti i tij prej shumë kohësh e la atë dhe disa nga koncertet e tij u anuluan.
Drejtori artistik i BEMUS-it, dirigjenti Bojan Suđić, tha se Boris Berezovski “është një nga pianistët kryesorë në botë dhe kjo është arsyeja e vetme pse ai u ftua të zbukurojë BEMUS-in e këtij viti me performancën e tij”.
Ai shtoi se e ka ndjekur Berezovskin si artist për një kohë të gjatë, por se për herë të parë ka dëgjuar për deklaratën e tij për ndërprerjen e energjisë elektrike në Kiev nga një gazetar i RSE-së dhe se ai “sigurisht nuk e ndan” atë deklaratë.
“Natyrisht që i njëjti është rasti me Bordin e BEMUS-it, sepse të gjithë anëtarët shprehën vetëm kënaqësi të madhe me konfirmimin e pjesëmarrjes së tij”, tha Sugjiq.
