Presidenti amerikan Joe Biden deklaroi se ata do të bëjnë çmos për të parandaluar një situatë të ngjashme me krizën financiare të vitit 2008 lidhur me krizën bankare dhe se ai do t’i kërkojë Kongresit dhe rregullatorëve që të shtrëngojnë rregulloret bankare, transmeton Kosova Post.
Duke thënë se nuk ka nevojë që njerëzit të nxitojnë drejt bankave, Biden vuri në dukje se dëmi nuk do t’u imponohet taksapaguesve amerikanë dhe se likuiditeti i nevojshëm do të vijë nga fondet e sigurimeve.
Duke nënvizuar se investitorët e bankave me probleme nuk do të mbrohen, Biden tha se askush nuk është mbi ligjin, dhe kështu funksionon kapitalizmi./KosovaPost/.
