Presidentja e Kosovës, Vjosa Osmani ka thënë se bashkëpunimi me Gjermaninë mbetet një nga prioritetet kryesore, ndërsa shtoi se e CDU si parti ka kontribuar ndër vite në kultivimin e marrëdhënieve bilaterale.
Ajo, sot u takua me deputetët Annette Widmann-Mauz dhe Jurgen Hardt nga radhët e CDU-së.
Në takim ishte edhe ambasadori i Kosovës në Gjermani, Faruk Ajeti.
“Bashkëpunimi me Gjermaninë mbetet një nga prioritetet kryesore, e CDU si parti ka kontribuar ndër vite në kultivimin e marrëdhënieve tona bilaterale. Sot, në kuadër të Konferencës së Sigurisë në Mynih, takova deputetët Annette Widmann-Mauz dhe Jürgen Hardt nga radhët e CDU-së. Diskutuam rëndësinë e koordinimit dhe komunikimit të rregullt për t’u përballur me sfidat e sigurisë, avancimin e paqes dhe stabilitetit në Ballkanin Perëndimor, si dhe intensifikimin e bashkëpunimit ekonomik”, ka shkruar Osmani.
