Presidentja Vjosa Osmani ka uruar presidenten zvicerane, Viola Amherd, për Ditën Kombëtare të Zvicrës.
Ajo ka theksuar rolin mbështetës që ka pasë Zvicra ndaj Kosovës ndër vite.
“Zvicra ka qenë një mike e vërtetë dhe një aleate e palëkundur, duke qëndruar krah për krah me Kosovën gjatë gjithë viteve. Sot, ne festojmë me ju, duke nderuar lidhjet e forta që lidhin vendet tona, përfshirë rolin që diaspora jonë vibrante ka luajtur në ndërtimin e këtij partneriteti të fortë”, ka shkruar Osmani.
