Pas sulmit të Iranit ndaj Izraelit me qindra dronë dhe raketa balistike, forcat e Netanyahut paralajmëruan se do të “përgjigjen”. Pavarësisht përpjekjeve të shumta të Shteteve të Bashkuara dhe partnerëve të saj për të mos përshkallëzuar tensionet, Izraeli e realizoi kërcënimin e tij.
Fundjavën e kaluar, Teherani u sulmua nga ushtria izraelite, megjithëse nuk u raportuan të vdekur apo të lënduar. Në sulmin e kufizuar kundër objektivave në Iran, inteligjenca amerikane konfirmoi se një raketë “e fshehtë dhe e që nuk ishte parë ndonjëherë” goditi territorin iranian. Kjo raketë njihet si ROCKS.
“Do të bëhet shkrumb e hi”, Irani kërcënon Izraelin me asgjësim
Ofensiva e Izraelit kundër Iranit, sipas gazetës Jerusalem Post, duhet të “interpretohet si një paralajmërim për Teheranin për aftësitë sulmuese izraelite dhe si një shenjë se Izraeli nuk po kërkon një luftë rajonale”.
Objektivi i këtij sulmi ishte sistemi i mbrojtjes ajrore iraniane S-300, sistemi më i avancuar kundërajror i forcave iraniane dhe një sistem radar që u shkatërrua nga raketat balistike të lëshuara nga jashtë hapësirës ajrore iraniane. Po kështu, disa raporte ndërkombëtare sugjeruan se raketat mund të ishin lëshuar nga Iraku.
5 frontet e konfliktit Iran-Izrael dhe rreziku i përplasjes totale nëse kombinohen
Sipas mediave të ndryshme lokale, ajo që u përdor mund të jetë një raketë e re ajër-tokë me rreze të gjatë e projektuar për të shkatërruar objektivat në zona nëntokësore shumë të mbrojtura.
Duhet të theksohet se raketa e re pajiset me një kokë lufte depërtuese të aftë për të shkatërruar objektiva të caktuara në sipërfaqe ose thellë nën tokë në zonat e mbrojtura shumë mirë. Mund të përdoret kundër objektivave të palëvizshëm apo të lëvizshëm, madje edhe në zona ku armiku përdor kundërmasa kundër sistemeve GPS.
ROCKS përdor GPS-në e tij për navigim, ndërsa gjurmimi i objektivit kryhet duke përdorur algoritmet e tij, të cilat sigurojnë goditjen e objektivave me saktësi të madhe, duke kapërcyer bllokimin GPS, shkruan A2CNN.Kjo raketë lëshohet nga një distancë e konsiderueshme, duke kryer një trajektore me shpejtësi të lartë drejt objektivit, duke reduktuar ekspozimin e avionëve dhe duke përmirësuar shanset për të goditur me sukses objektivat.
