Italia po luan në maksimum shanset për të dërguar pesë skuadra në Championsin 2025/26. Sezonin e kaluar, nga ky rregull përfitoi Bologna e Thiago Motta-s, e cila u rendit në vendin e pestë në Serinë A.
Gjithçka varet nga renditja sezonale, e cila përditësohet pas çdo raundi: pas përfundimit të fazës së kampionatit në Champions League, në pritje të përfundimit të saj në Europa League, Italia është në vendin e dytë, pas Anglisë. Për të siguruar pesë klube në kompeticionin më të rëndësishëm evropian, kërkohet klasifikimi mes dy vendeve e para të kësaj renditjeje speciale.
Një fitore, dy barazime dhe dy humbje për pesë skuadrat italiane, që luajtën në ndeshjet e fundit të fazës së kampionatit në Champions League, në pritje të Lazios dhe Romës në Europa League, i kanë lejuar Spanjës të fitojë disa pikë.
Megjithatë, rezultatet e deritanishme i japin mundësinë Serie A-së të paraqitet sërish me pesë skuadra në edicionin e ardhshëm të Ligës së Kampionëve.
Në raundin tjetër, nga shtatë skuadrat italiane që janë ende në garat evropiane, vetëm Bologna nuk do të jetë e pranishme.
Si funksionon renditja?
Dy kombëtaret që, në fund të sezonit, do të zënë dy vendet e para në renditjen e UEFA-s do të fitojnë një vend shtesë në Champions League për skuadrën e pestë të kampionatit të tyre. Vitin e kaluar, Serie A përfitoi nga ky rregull duke i dhënë një vend Bolognas.
Si llogariten pikët?
Pikët mblidhen bazuar në rezultatet e secilit ekip në çdo ndeshje, por jo vetëm. Shtohen gjithashtu:
1.5 pikë në rast të kualifikimit në 1/8-at e finales në Champions League (vetëm 1 pikë në Europa League).
Pikë shtesë, të përcaktuara më parë, që varen nga pozicioni përfundimtar i ekipit në renditjen e përgjithshme.
Në total, çdo ekip mund të grumbullojë pas fazës së grupeve:
Maksimumi 29.5 pikë në Champions League,
23 pikë në Europa League,
20.5 pikë në Conference League.
Nga faza e 1/8-ave e tutje, çdo fitore do të vazhdojë të vlejë 2 pikë, ndërsa çdo barazim 1 pikë.
Renditja e UEFA-s aktualisht:
Anglia – 20.000
Italia – 16.875
Spanja – 16.214
Gjermania – 14.359
Portugalia – 13.600
Franca – 13.428
Belgjika – 12.800
Holanda – 10.416
Republika Çeke – 9.300
Greqia – 9.250.s.net.
