Janë përshkallëzuar rishtaz raportet ndërmjet Armenisë dhe Azerbajxhanit. Raportohet edhe për ushtarë të vrarë në kufirin ndërmjet këtyre dy shteteve, transmeton Kosova Post.
Një vit pas shpalljes së armëpushimit me ndërmjetësimin e Rusisë pasi azerët rimorën kontrollin në rajonin e Nagorni Karabakhut.
Sipas Ministrisë së Mbrojtjes së Armenisë, përplasja e armatosur ka ndodhur në rajonin e Siyunikut dhe ka një numër të madh të vdekurish.
“Konfirmohet humbja e jetës së dy ushtarëve, ndërsa po vijon puna për të verifikuar edhe informacionet për dëme të tjera të pësuara. Kemi humbur dy pozicione ushtarake deri më tani. Për shkak të reagimeve tona u kemi shkaktaur dëme të mëdha armikut”, bën me dije Ministria e Mbrojtes së Armenisë, ndërsa nga raportimet e mediave bëhet fjalët për 15 ushtarë të vdekur dhe 7 të kapur robë.
Gjatë javëve të fundit, ushtria azere ka marrë disa pozicione të armenëve në zonën kufitare mes tyre duke pretenduar se ato ishin të jashtëligjshme.
Sipas AA-së,ndaj pozicioneve të Azerbajxhanit në Laçin janë kryer goditje me mortaja dhe artileri topash të kalibrave të ndryshëm, ndërsa si rezultat i kundërpërgjigjes së ushtrisë së Azerbajxhanit janë shkatërruar kundërajrorët dhe mortajat e Armenisë.
Gjithashtu bëhet e ditur se situata në kufi është e tensionuar dhe konfliktet vazhdojnë.
Ushtria armene duke marrë nën kontroll disa lartësira në kufi me qëllimin për të arritur pozicione më të favorshme, ajo në ora 11.00 sipas kohës lokale filloi një operacion në drejtim të rajonit Laçin dhe Kalbajar. Në sulme u plagosën 2 ushtarë të Azerbajxhanit.
Po ashtu edhe ushtria e Azerbajxhanit filloi operacion në të njëjtin drejtim, duke çarmatosur dhe arrestuar ushtarët armenë që kryen sulmin.
Nagorni Karabakh, territor i njohur ndërkombëtarisht si pjesë e Azerbajxhanit. Por kjo pjesë ka qenë e banuar kryesisht nga armenët. Në 1994 ky territor u pushtua nga Armenia dhe u administrua deri në dhjetor 2020, moment kur Azerbajxhani e rimori kontrollin pas luftës 44 ditore ku u shkatërrua tërësisht ushtria armene. Futja e paqeruajtësve rusë duket sikur i uli gjakrat, por tashmë konflikti është rindezur. /KosovaPost/
Armenian MOD releases video of destruction of Azerbaijani armoured vehicle in the area of clashes pic.twitter.com/mD1RQKUQsG
— Neil Hauer (@NeilPHauer) November 16, 2021
Armenian MOD releases video of destruction of Azerbaijani armoured vehicle in the area of clashes pic.twitter.com/mD1RQKUQsG
— Neil Hauer (@NeilPHauer) November 16, 2021