Ishte padyshim një ndër transferimet më të bujshme gjatës merkatos së verës, në vitin 2020, me “Bardhezinjtë” e Juventus, që siguroi nga “Violët” e Fiorentina shërbimet e “fantazistit” të sulmit, Federico Chiesa, me shpresën se një ditë do të bëhej një “yll” i madh në futbollit, megjithatë pavarësisht se e ka “brumin”, për të bërë diçka të tilla, shkëlqimi te Juventus nuk erdhi.
Në të tilla rrethana, bordi i “Zonjës së Vjetër” ka vendosur të nxjerrë në shitje 27-vjeÇarin, teksa sipas raportimeve më të fundit të mediave italiane e më konkretisht të prestigjiozes “Corriere dello Sport”, “Verdhekuqtë” e Roma dhe “Djajtë” e Milan janë të vendosur të transferojnë “yllin” e sulmit, por “Bardhezinjtë” nuk dorëzohen.
Këta të fundit dëshirojnë të provojnë deri në fund të sezonit, rinovimin me “yllin” e tyre, me vetë anësorin, që do të ishte i gatshëm të qëndronte në Torino, mirëpo kushti i vetëm është rritja e pagës së tij në 6 milionë euro, shumë që kërkohet nga Chiesa, nga çdo klub që e kërkon, megjithatë duket se transferimi do të jetë i vështirë, të paktën në Itali, pasi thuajse çdo klub e ka të vështirë të paguajë një shumë të tillë. abcnews.al
