Një person me inicialet N.M i moshës 42 vjeç për shkak të një mosmarrëveshje kishte shkaktuar dhunë në familje ndaj bashkëshortes së tij D.M, 29 vjeç, e më pas edhe ndaj vjehrrit të tij (babait të bashkëshortes).
Sipas njoftimit të Policisë së Kosovës për rajonin e Ferizajt, bëhet e ditur se ngjarja ka ndodhur të dielën rreth orës 17:00.
Tutje në njoftim thuhet se viktima kishte pranuar tretman mjekësor në Qendrën Emergjente në Ferizaj, aty siç bëhet e ditur tutje në njoftim bashkëshorti i saj e kishte sulmuar edhe babën e saj.
“Dje, në ora 17:00 policia e stacionit në Ferizaj ka pranuar një informacion se në rrugën ‘’Ramadan Rexhepi ‘’ në Ferizaj ishte një rast i dhunës në familje.
Në lidhje me këtë policët rendit e më pas policët hetues të Njësisë së Dhunës në Familje menjëherë i kanë marrë veprimet e nevojshme, kanë dalë në vendin e ngjarjes dhe kanë arrestuar personin N.M (M/K) i moshës 42 vjeçar, i cili shkak i një mosmarrëveshje kishte shkaktuar dhunë në familje ndaj bashkëshortes së tij D.M ( F/K) e moshës 29 vjeçare, e cila kishte pranuar tretman mjekësor në Qendrën Emergjente në Ferizaj dhe më pas kishte sulmuar edhe babën e saj”, thuhet në njoftim.
Policia në Ferizaj, të dyshuarin e ka shoqëruar në stacionin e policisë në Ferizaj dhe pas intervistimit nga policët hetues, rezulton se edhe me herët kishin të raportuara raste të dhunë në familje.
