Ambasadori rus Aleksandar Bocan Kharchenko tha se mendon se Serbia nuk do të ndryshojë qëndrimin e saj për mos vendosjen e sanksioneve ndaj Rusisë dhe se bashkëpunimi i Serbisë në fushën e litiumit me Bashkimin Evropian (BE) nuk është pengesë për zhvillimin e marrëdhënieve të Rusisë me Serbinë.
“Nuk kam dëgjuar kurrë nga presidenti i Serbisë, Aleksandar Vuçiq, ndonjë qëndrim të dyshimtë që do të na bënte të mendojmë se është i mundur ndryshimi i politikës së Serbisë. Mendoj se kështu do të mbetet”, tha Harçenko në një intervistë për Veçernje Novosti.
Siç deklaroi ai, konfirmimi i dytë i kësaj është se “Rusia e Serbia vazhdojnë të punojnë së bashku për realizimin e projekteve, duhet pranuar në kushte të vështira, por po shkojmë hap pas hapi, ka edhe negociata për sipërmarrje të reja”.
Ai theksoi se sovraniteti, ruajtja e pozicionit të neutralitetit dhe marrja e vendimeve sovrane është pika kyçe e qëndrimit politik të lidershipit serb dhe shtoi se beson fuqishëm se Serbia do të mbajë të njëjtin qëndrim edhe në kushtet aktuale të vështira.g.e.
