Kancelari i Gjermanisë, Olaf Scholz dhe presidenti i Serbisë, Aleksandër Vuçiq, vizitojnë së bashku këtë të martë (10.12.2024) Autoritetin e Minierave Saksone në Freiberg të Gjermanisë, bëhet e ditur nga zyra e kancelarit gjerman në Berlin. Në fokus të bisedimeve është nxjerrja e qëndrueshme e litiumit.
Litiumi – tema e përbashkët
Si në Serbi, ashtu edhe në landin gjermanolindor të Saksonisë, supozohet të ketë sasi të mëdha të litiumit. Minerali është një komponent kyç për prodhimin e baterive të automjeteve elektrike. Projekti sakson synon të prodhojë rreth 12 000 tonë hidroksid litiumi në vit për një periudhë prej 35 vitesh, duke kontribuar në prodhimin e baterive për rreth 600 000 automjete elektrike çdo vit, shkruan abcnews.al.Shumë më e madhe është sasia e litiumit që planifikohet të prodhohet në Serbi: 58,000 ton litium në vit. Kjo sasi mund të mjaftojë për rreth 1.1 milionë automjete elektrike – afërsisht 17% të kërkesës evropiane.
