Kryediplomati serb, Nikola Selakoviq është takuar dje me ambasadorin amerikan në Beograd, Anthony Godfrey, derisa gjatë takimit diplomatët e të dyja vendeve diskutuan për përmirësimin e marrëdhënieve dypalëshe, dialogun Kosovë-Serbi si dhe bashkëpunimin rajonal.
Selakoviq me këtë rast ka theksuar se përmirësimi i të gjitha fushave të bashkëpunimit me Shtetet e Bashkuara është një nga përparësitë e politikës së jashtme të Serbisë, si dhe se vendi i tij është i përkushtuar për bashkëpunim më kuptimplotë dhe më të gjerë, njoftoi Ministria e Punëve të Jashtme të Serbisë, raporton Tanjug.