Një incident raportohet të ketë ndodhur së fundi në Serbi.
Nemanja dhe Ognjen Zeçeviq, djemtë e Zoran Zeçeviqit, deputet dhe funksionar i lartë i partisë Zavetnici, të udhëhequr nga Milica Gjurgjeviq Stamenkovski, raportohet që fillimisht kanë kërcënuar e më pas kanë rrahur këshilltarin e SNS-së, Mikica Vasiq.
Ngjarja ka ndodhur në mbledhjen e këshillit Komunal të Arandjeloviqit.
Nga ky incident janë publikuar edhe video-incizime.
Në video mund të shihet se si Nemanja Zeçeviq, një këshilltar në kuvendin lokal ka vrapuar dhe më pas e ka goditur me grusht në kokë këshilltarin e SNS-së, Vasiq i cili edhe rrëzohet përtokë.
Ngjarja ka ndodhur gjatë kohës kur në kuvend komunal po diskutohej për një pikë të rëndësishme për qytetarët e kësaj komune.
