Serbia ka planifikuar një investim të madh ushtarak duke blerë armatim nga Izraeli me vlerë 335 milionë dollarë.
Sipas mediave izraelite, në këtë marrëveshje përfshihen sisteme të avancuara artilerie dhe dronë nga një kompani izraelite.
Lutfi Bilalli, ekspert i sigurisë, e sheh këtë si një kundërpërgjigje ndaj Kroacisë.
“Kjo është pak kundërpërgjigje ndaj Kroacisë, e cila bëri investime. Rivaliteti i tillë ekziston”.
“Çka ka bërë Serbia në këtë aspekt tregon sose ne, kemi çaluar dhe nuk kemi ditur të bëjmë kërkesa të një kontrate të efektivit militarist, ose Serbia në këtë drejtim me Izraelin ka punuar një kohë të gjatë dhe ka arritur të krijojë një lidhje me ta”, tha Bilalli në emisionin “Kosova Today” në Klan Kosova.
Nga ana tjetër, Bedri Elezi, vlerëson se bashkëpunimi i Serbisë me Izraelin është një dëshmi e mbështetjes strategjike që Izraeli i ofron Serbisë për t’u përgatitur ndaj sfidave të mundshme.
“Bashkëpunimi i Serbisë me Izraelin është një dëshmi e qartë se Izraeli ka pasur gatishmërinë që ta mbështesë Serbinë për t’u përgatitur në rast se do të jetë përpara një sfide që mund të jetë evidente,” deklaroi ai.
