Në një lëvizje të ashpër që synon ta trysnojë Kremlinin drejt paqes, senatori amerikan Lindsey Graham ka njoftuar se 72 senatorë po e mbështesin një projektligj që do të vendosë sanksione shkatërruese ndaj Rusisë dhe tarifa marramendëse – deri në 500% – për vendet që vazhdojnë të importojnë naftë, gaz apo uranium rus.
“Synimi ynë është ta ndihmojmë presidentin,” tha Graham, njëri nga mbështetësit më të afërt të Donald Trump.
Sipas tij, ky projektligj nuk është vetëm një deklaratë politike – është një armë e fuqishme në duart e administratës së ardhshme amerikane.
Projektligji, i cili ka siguruar përkrahjen e të dyja partive dhe ka kaluar tashmë numrin e kërkuar të bashkësponsorëve, parashikon ndalimin e çdo investimi amerikan në letrat me vlerë ruse dhe vendosjen e tarifave ekstreme për çdo vend që vazhdon të blejë karburante nga Rusia.
Graham shpjegoi se kjo është një përpjekje për t’i treguar Putinit se SHBA nuk do të qëndrojë duarkryq.
SHBA paralajmëron tarifa 500% për vendet që blejnë naftë ruse nëse Putin nuk pranon paqen“Nëse nuk e kupton seriozitetin e kësaj qasjeje, atëherë do të përballet me rrënimin e ekonomisë së tij.”
Ai po ashtu paralajmëroi që Moska të mos e nënvlerësojë Trumpin, shkruan abcnews.al.“Ky ligj është një vegël e fuqishme në kutinë e mjeteve të presidentit Trump,” tha ai. “Kur Trump e sheh se rruga e paqes është bllokuar, atëherë veprimi është i pashmangshëm.”
