Badri Hamza, kandidati i PDK-së për Kryeministër, ka njoftuar se mbrëmë vonë ka dalë në Varagë të Zubin Potokut, në vendngjarje, për ta parë nga afër gjendjen dhe dëmet e shkaktuara në kanalin ujor nga mjeti shpërthyes.
Hamza, dënon këtë akt njëherësh, kërkon nga institucionet e rendit dhe ligjit, që ta zbardhin sa më shpejt rastin dhe përgjegjësit të vihen para drejtësisë.
“E dënoj aktin dhe kërkoj nga institucionet e rendit dhe ligjit, që ta zbardhin sa më shpejt rastin dhe përgjegjësit të vihen para drejtësisë. Jam shumë i shqetësuar me ndërprerjen e furnizimit të ujit të pijes dhe pasojat në furnizimin me energji elektrike. Po ashtu, jam në komunikim të vazhdueshëm me të gjitha institucionet e vendit të përfshira në sanimin e dëmit dhe shpresoj të tejkalohet sa më shpejt kjo situatë”, ka shkruar Hamza në Facebook.
Një shpërthim ka ndodhur mbrëmjen e së premtes në fshatin Vragë, të Zubin Potokut. Në vendin e ngjarjes ka dalë edhe ministri i Brendshëm, Xhelal Sveçla, si dhe drejtori i Policisë së Kosovës, Gazmend Hoxha.
