Ka pasur një “bast në fushë” në ndeshjen Poloni-Argjentinë për penalltinë e Leo Messit. Wojciech Szczesny e zbuloi këtë pas ndeshjes në një intervistë për televizionin norvegjez TV2.
Një bast që ndoshta nervozoi argjentinasin dhe e ndihmoi portierin polak të priste penalltinë. “Ne folëm para penalltisë – tha ai. “Unë i thashë ‘vë bast 100 euro që arbitri nuk do të japë penallti’ dhe e humba bastin kundër Messit”.
Szczesny më vonë shpjegoi: “Unë nuk e di nëse është e ligjshme për Kupën e Botës, dhe ndoshta do të ndëshkohem për të. Por nuk më intereson. Dhe nuk do ta paguaj! Atij nuk i intereson 100 euro”.
Për kënaqësinë e tij personale, numri njw i Juventusit tha se “është bukur të preswsh penalltinë nga ai që mendoj se është futbollisti më i mirë i të gjitha kohërave. Si portier është ndoshta ndjenja më e mirë që mund të kesh, dhe kur ai është në një Kupë të Botës, është shumë e bukur”, përfundoi ai.
Wojciech Szczesny says he bet Lionel Messi $100 that VAR wouldn’t award the penalty: “I don’t know if that’s allowed at a World Cup, I’ll probably get a ban for it now.” 😂 pic.twitter.com/y834XQ1BCT
— Mirror Football (@MirrorFootball) November 30, 2022
