Presidentja Vjosa Osmani në Ditën Kombëtare të të zhdukurve me dhunë, ka pritur në takim një grup të përfaqësuesve të familjarëve të personave të pagjetur në krye me Bajram Qerkinin, drejtor i Qendrës Burimore të Personave të Pagjetur, njëherësh koordinator i Këshillit Koordinues të Asociacioneve familjare të të pagjeturve të Kosovës.
“Presidentja Osmani theksoi se ndriçimi i fatit të të zhdukurve me dhunë është njëra ndër plagët më të rënda që ka Kosova edhe 25 vite pas luftës. Për fat të keq, Serbia akoma vazhdon të mbajë të mbyllura arkivat, përkundër marrëveshjes së Brukselit që e detyron atë t’i hapë ato”, thuhet në komunikatën e Presidencës.
Tutje theksohet në komunikatë se presidentja Osmani riafirmoi angazhimin dhe përpjekjen e saj jo vetëm për zbardhjen e fatit të të zhdukurve me dhunë, por edhe për të vënë në vend drejtësinë
